Тус сургууль нь 1968 онд галын дунд сургууль нэртэйгээр анх байгуулагдаж байсан бөгөөд 1993 оноос Дорнод сибирийн дээд сургууль болон өргөжсөн. Мөн оноос одоог хүртэл үйл ажиллагагаа явуулж байгаа бөгөөд 5н мэргэжлээр элсэлт аван хууль зүйн мэргэжилтнүүдийг бэлтгэж байна. Үүнд: -Мөрдөн байцаагч бэлтгэх факультет -Шүүхийн шинжээч бэлтгэх факультет -Хууль хамгаалах байгууллагын ажилтан бэлтгэх факультет -Галын байцаагч бэлтгэх факультет Тус сургуульд Монгол улсын нийт 11 сонсогч суралцаж байгаа бөгөөд 5-р курст 4, 4-р курст 2, 3-р курст 2, 2-р 3н оюутан тус тус суралцаж байна. Дэлгэрэнгүй мэдээллийг http://www.esi.irk.ru сайтаас үзнэ үү.

 

 Эрхүү хотын Улсын Техникийн Их Сургууль нь Дорнод сибирийн болон ОХУ-н шилдэг техникийн сургуулиудын нэгд зүй ёсоор багтдаг юм. Үүний нэг баталгаа нь 2010 оны 5 сард зохион байгуулагдсан ОХУ-ын шилдэг сургууль шалгаруулах уралдаанд оролцон түрүүлж Үндэсний шинжлэх ухааны сургууль хэмээх шинэ статустай болж өргөжсөн юм. ЭТИС нь энэ жил 80-н жилийнхээ ойтой золгож байгаа ба энэхүү 80-н жилийнхээ хугацаанд 120 гаруй мянган дээд мэргэжлийн боловсон хүчин бэлтгэн гаргасан бөгөөд тэр тусмаа мянга мянган монголын мэргэшсэн инженер, удирдагчдыг хууль , эдийн засаг ,техникийн олон салбарт бэлтгэн гаргасан юм. Одоогоор ЭТИС -ийн 12 факультет –д 83 мэргэжилээр 35000 гаруй оюутан суралцаж байгаагаас 250 орчим нь монгол оюутнууд юм.ЭТИС сургууль нь чанартай боловсон хүчин бэлтгэн гаргах материаллаг баазаар бүрэн хангагдсан болно. Үүнд: Эрдэм шинжилгээний нэгдсэн төв лаборатори, 177 шинжлэх ухааны доктор,707 шинжлэх ухааны ажилтан,675 аспирант, докторант багшилж байгаа юм. Мөн түүнчлэн дэлхийн стандартад нийцсэн тоног төхөөрөмжөөр анги танхимаа тогтжуулсан болно. Дэлгэрэнгүй мэдээллийг www.istu.edu.ru сайтаас үзнэ үү.

Эрхүүгийн зам харилцааны улсын сургууль нь анх 1932 онд Дорнод Сибирийн тээвэр инженерийн дээд сургууль нэртэйгээр байгуулагдсан бөгөөд замчин болон галт тэрэгчин гэсэн 2 мэргэжлээр оюутануудыг бэлтгэж эхэлсэн. 1975 онд Эрхүү хотод бие даасан дээд сургууль ИрИИТ нээгдсэн. Анхны захирлаар доктор, профессор хүндэт төмөр замчин, зам аж ахуйн тэнхимийн эрхлэгч Поздеев.В.Н. ажиллаж байсан ба 2002 оноос Эрхүүгийн зам харилцааны улсын их сургууль болж их сургуулийн захирлаар техникийн ухааны доктор, профессор Андрей Павлович Хоменко болон одоог хүртэл ажилласаар байна. Өнөөдрийн ИрГУПС нь орчин үеийн шинжлэх ухааны боловсролын цогцолбор сургалт шинжилгээний үндэс болон хөгжсөөр байна. Одоогоор 12000 оюутан өдөр болон оройн цагаар суралцаж байна. Эрхүүгийн зам харилцааны улсын их сургуульд 7 факультет байдаг ба, соёл боловсролын нэмэлт мэргэжлийн сургалт болон олон улсын харилцааны хэлтэс ба гадаад оюутнуудыг хариуцсан эрхлэгч ажилладаг. Эрхүүгийн зам харилцааны улсын их сургуульд 21 тэнхим болон багш профессор ажилладаг ба 6-н корпусд 100 гаруй мэргэжлийн болон лабораторийн тэнхим байдаг. ОХУ-ийн их дээд сургуулиудаас материаллаг бааз болон хангамжаараа дээгүүрт ордог их сургууль юм. Тус сургуульд шинжлэх ухаан, техникийн номын сан байдаг бөгөөд тэнд дугуй ширээний ярилцлага, соёл шинжлэх ухааны уулзалтууд байнга зохион байгуулагддаг. Манай сургуулийн оюутнууд жил бүрийн урлаг, спортын уралдаан тэмцээнд идэвхтэй оролцон амжилт уран бүтээлээр дүүрэн байдаг. Дэлгэрэнгүй мэдээллийг http://www.iriit.irk.ru сайтаас үзнэ үү.

 

 Эрхүүгийн улсын хөдөө аж ахуйн академи /ИрГСХА/

Эрхүү хотын ХААА –н 1934 онд Эрхүүгийн ХАА-н дээд сургууль нэрээр Агроном, Амьтан судлал, Биологи гэсэн үндсэн 3н хэсэгт 100 оюутан , 8 боловсон хүчинтэйгээр анхлан үйл ажиллагаа явуулж ирсэн. Одоогоор тус сургууль нь Академ болон өргөжин Агроном, Ан Агнуур, Биологи, Эрчим хүч, Эдийн засаг, Механик инженер, Мал судлал гэсэн үндсэн 7 н факультетад 22 мэргэжлээр боловсон хүчин бэлтгэж байна. Тус сургууль нь анхны гадаад оюутнаа 1953 онд хүлээн авсан. Анхны хүлээн авсан гадаад оюутан нь Монгол улсаас ирж суралцаж байсан. Одоогоор тус сургууль нь Монгол, Солонгос, Хятад, Америк, Япон, Болгар улсуудтай эрдэм шэнжилгээний бага хурал, оюутан болон багш ажилчдын туршлага солилцон гадаад үйл ажиллагаа явуулж байна. Дэлгэрэнгүй мэдээллийг www.igsha.ru сайтаас үзнэ үү.

 

Эрхүүгийн анагаах ухааны улсын их сургууль /ИГМУ/

Эрхүүгийн анагаах ухааны их сургууль нь 1 919 онд бай гуулагдсан бөгөөд Дорнод-Сибирийн томоохон их сургуулиудын нэг юм. Манай сургууль нь нийт 64 тэнхим , 8 факультеттайгаар үйл ажиллагаагаа явуулдаг .Үүнд: 1.Ерөнхий эмчилгээ 2.Хүүхдийн эмчилгээ 3.Эм зүй 4. Нүүр ам судлал 5. Эрүүл ахуй 6. Менежмент 7. Медбиохими 8. Сувилахуй Сургалтыг дээд боловсон хүчин бүхий 100 гаруй доктор 35 эрдмийн зэрэгтэй багш эмч нар явуулж байна. Одоогоор 4000 гаруй оюутнууд суралцаж байгаагийн 80 гаруй нь гадаад оюутан юм. Анх 1960 оноос гадаад оюутнуудыг элсүүлж эхэлсэн бөгөөд одоогийн байдлаар Олон Улсын Харилцааны тэнхимийн эрхлэгч Крупская Тамара Семеновна , декан Файзулина Наталья Ивановна , туслахаар Гладышева Людмила Борисовна нар ажиллаж байна. 1994 онд гадаад оюутан бэлтгэх бэлтгэл анги байгуулагдсан.Дэлгэрэнгүй мэдээллийг www.ismu.baikal.ru сайтаас үзнэ үү.

 

 Эрхүүгийн байгалийн эдийн засаг хуулийн их сургууль /БГУЭП/

 Эрхүүгийн Байгалийн Эдийн засаг Хууль зүйн Улсын Их Сургууль - бол дорнод сибирь дахь томоохонд тооцогддог Оросдоо тэргүүлэх Эдийн засгийн сургуулиудын нэг юм. 1930 онд дээд мэргэжил олгох сургалт явуулахаар нээгдсэн БУИС нь манай орны толгой сэхээтнүүдийн өлгий сургууль билээ. Эрхүүгийн БЭХУИС -ийн захирал- Винокуров Михаил Алексеевич. Эрхүүгийн БЭЗХУИС-д одоогоор: · Өдрийн сургалтын 10 факультет, худалдааны институт, бизнес ба эрх зуйн колледж, нийгэм-эдийн засгийн чиглэлээр, сэтгүүл зүйн мэргэжлээр; · Оройн факультет · Их сургуулийн дараах боловсрол олгох факультет (магистр, аспирант) · Бэлтгэл факультет - гадаад оюутнуудад · Сургалт зөвөлгөөний төвүүд · Хилиин чанд дахь орнуудад мэргэжилтэн бэлтгэх төв · Мэргэжилтэн бэлтгэх сургалтын төв ажиллаж байна. Одоогийн байдлаар спортын секц дугуйлан, муждаа тэргүүнд тооцогдох биеийн тамир чийрэгжүүлэлтийн цогцолбор, номын сан (1 сая гаруй номын фонд),эмнэлэгийн үйлчилгээ, сувилалын төв ажиллаж байна. Соёл урлаг, нийгмийн төвүүд, уран бүтээлийн хамтлаг, клубүүд оюутнуудын сонирхолоор ажиллаж байна. Тус сургуульд бакалавр, мэргэжилтэн, магистрын диплом олгох олон үе шатлалт сургалт байдаг ба хэрэв суралцагч хүсвэл аспирантурт үргэлжлүүлэн суралцах бүрэн боломжтой. Дэлгэрэнгүй мэдээллийг www.isea.ru сайтаас үзнэ үү.

 

Эрхүүгий улсын их сургууль /ИГУ/

1918-10-27нд байгуулагдсан Эрхүү хотын ууган сургууль юм. ЭУИС байгуулагдсанаар зүүн хязгаар муж болоод дорнод сибирийн боловсролын суурь тавигдах эхлэл нь болсон бөгөөд Енесей мөрнөөс Номхон далай хүртэлх асар уудам нутгийн боловсрол соёл ШУ ны төв болж чадсан. Өнөөдөр тус сургуульд 5 институт, 9 факультет, 2 салбар сургууль, ОХУ ын хамгийн том номын сангуудын нэг болох ШУ ны номын сан харьяалагддаг. 18000 гаруй оюутнууд 52 мэргэжлийн чиглэлээр сургалтад хамрагддаг бөгөөд 888 багш нарын 154 нь ШУ ны доктор, профессор, 440 нь ШУ ны кандидат. 80000 гаруй оюутан ЭУИС –ыг төгссөн бөгөөд тэдний 1079 нь Хятад , Араб, Африк, Монгол зэрэг гадаадын оюутнууд байсан байна. Өнөөдөр 27 орны 300 гаруй оюутнууд суралцаж байна. Эрхүү хотод анх суралцсан Монгол оюутнууд нь ЭУИС-д суралцан төгссөн бөгөөд тэдний дундаас Цэдэнбал.Ю гэх мэт нийгэм улс төрнийн нэрт зүтгэлтэнгүүд төрөн гарсан байна. Дэлгэрэнгүй мэдээллийг www.isu.ru сайтаас үзнэ үү.

 

 Дорнод сибирийн боловсролын академи /ВСГАО/

Эрхүүгийн боловсролын академийн түүх нь 1909 онд байгуулагдсан багшийн институтээс эхлэлтэй бөгөөд бүтэн зууны турш туулсан зам нь агуу баялаг бөгөөд эрдэм мэдлэг оюуны салбарын эх ундарга нь болсон юм. Өнөөдөр тус сургууль нь 6 үндсэн чиглэлийн 34 төрлийн боловсон хүчинг бэлтгэж байна. Тус сургуульд 2011-2012 оны хичээлийн жилд Монголоос 6 оюутан 2 аспирант суралцаж байна. Дэлгэрэнгүй мэдээллийг www.igpu.ru сайтаас үзнэ үү.